NAGALA SOO XARIIR: BIYACADE124@GMAIL.COM

Waa Maxay Sababta Boqortooyada Sucuudigu ula.Daahday Hambalyada Joe bidden

Boqortooyada Sacuudi Carabiya waxey ku qaadatay iney u hambalyeyso madaxweynaha dooran ee dalka Mareykanka Joe Biden 24-saacadood ka dib  iyadoo dowladaha Caalamka ee xidhiidhka la leh Mareykanka ay Hoor horeba Hambalyeeyeen.

Inkastoo ay dhambaal direen hadana wuxuu ahaa mid aysan ka muuqan Taageero weyn, dadka falanqeeya Arrimaha Siyaasadda ayaana dhawr nuuc u rog-rogay sababta rasmiga ah ee arrinkaas ka damabeysa.

Dhaxal-sugaha Sacuudiga Maxamed Bin Salmaan ayaa xidhiidh dhaw la lahaa Donald Trump, sidaas darteed wey ku adkaatay ayaa la leeyahay inuu dhaqso ugu hambalyeeyo Joe Biden oo guulo waaweyn gaadhay,

Sidoo kale madaxweynaha la filayo inuu afarta sano ee soo aadan hogaamiyo Mareykanka wuxuu sameeyay ballan qaadyo ka dhan ah boqortooyada Sacuudiga.

Waxyaabaha uu ballan qaaday Joe Biden waxaa ka mid ah inuu ku laaban doono heshiiskii hubka Nuclear-ka ee dowladda Islaamiga IRAN, iney wax ka qaban doonaan dhibaatooyinka beni’aadanimo ee ay geystaan Sacuudiga iyadoo si gaar ah loo soo hadal qaaday dilkii Jamaal Kashoggi.

Sidoo kale Joe Biden wuxuu ka fiirsan doonaa Taageerada ay Mareykanku   siinayaan dhigooda Sacuudiga dagaalka ka socda Yemen, waxyaabahaas ayaa ugu waaweyn sababta uu Maxamed Bin Salmaan u daahiyay fariintiisa hambalyada ee ku aadan Biden.

Warbaahinta waxey aad u hadal qaadeen dhabar jabka ku yimid xidhiidhka Mareykanka iyo Sacuudiga kadib doorashada Joe Biden, waxaana durba lasoo qoray hadalo lagu muujinayo sida ay u daran tahay dhirbaaxada ku dhacday boqoortoyada.

Warbaahinta Caalamka waxey qirayaan in si diblomaasinimo ah ay Sacuudiga u doonayaan iney sii ilaaliyaan cilaaqaadka ay la leeyahiin Mareykanka, balse cidna ma fileyso iney ka heli doonaan Joe Biden wixii ay ka heli jireen Donald Trump.

Inkastoo ganacsiga labada wadan uu meelo muhiim ah iskaga tiirsan yahay, hadana qof walba wuxuu sugayaa sida xidhiidhka labada dal uu usoo shaac baxo, balse cidna ma fileyso in Sacuudiga ku raaxeysanayaan natiijada doorashadii lagu doortay Joe Biden

Be the first to comment

Leave a Reply

Your email address will not be published.


*